4a Semana da Quaresma: Sábado, dia 02, fulan Abril, 2022 April 2, 2022
Reflection on the WORD
Maluk sira mak Kristu hadomi,
Lia-los sira Evangelho nian: Iha Evangelho loron ohin, guarda sira la prende Jesus tambá sira admira ho Jesus nia sabedoria nebé bot. Reflete, “Lia-Lós sira Evangelho nian nebé Jesus haklaken sei hakonu ita fuan sira ho paz no ksolok bot wainhira ita simu sira ho nakloke-an lolós. Ita nakloke-an tomak ba Jesus nia Evangelho sira?”
Pe. Philip Heng, S.J.
Jn 7:40-47
Ema haksesuk malu kona ba Jesus
40Wainhira sira housi ema lubun boot rona liafuan hirak ne’e, balun dehan: “Ema ne’e profeta tebes duni.” 41Balun dehan fali: “Nia mak Messias.” Maibe seluk dehan: “Messias mai housi Galileia karik? 42Eskritura la dehan katak Kristu mak David nia bei oan no mai housi Belem, David nia knua?” 43Ne’e duni, sira fahe malu kona ba Nia. 44Ema balun hakarak rasik kaer Nia, maibe ema ida la tau liman ba Nia. 45Guarda sira fila fali ba amlulik boot no fariseu sira, nebe dehan ba sira: “Tansa imi la lori Nia mai?” 46Guarda sira hatan: “Ema ida seidauk ko’alia hanesan ema ne’e!” 47Fariseu sira husu fali ba sira: “Nia dada ona imi mos karik?”
Today's Pointers on God's Word
As you read the passage what words, phases or meanings caught your attention?
- Jesus nia mensajem hafahe ema barak nebé rona. Ema balun fiar katak Nia mak profeta ida, ema balun fali dehan katak nia mak Messias no ema seluk fali fiar katak Nia la’os rua ne’e hotu.
- Oficial sira nebé ba kaer Jesus fila ho liman mamuk tambá sira nunka rona ema ruma ko’alia hanesan Nia ko’alia. Sira nia reasaun mak nakonu ho amirasaun no reasaun amlulik bót sira no Fariseu sira mak Jesus la vale ida.
- Hamrík hamutuk ba Jesus bele sai todan, exije sakrifísiu ou terus. Ita preparado atu hamrík hodi suporta ba Jesus no moris, defende no habelar Jesus hanorin Evangelho no valor sira?