4a Semana da Quaresma: Quinta-Feira, dia 31, fulan Março, 2022 March 31, 2022
Reflection on the WORD
Maluk sira mak Kristu hadomi,
Rejeita lialos Na’i nian: Evangelho ohin, Jesus senti triste tebes tamba Judeu sira kontinua la simu Liafuan Diak kona-bá Salvasaun ne’ebé Jesus haklaken. Mai ita reflete, “se ita iha fiar, esperansa no domin ne’ebé superficial ba Na’i, tanba ita nia necessidade ba material sira no tentasaun sira mundo nian konsume hotu ita nia atensaun, energia no domin?
Fr Philip Heng,S.J.
Jn 5:31-40
Jesus hateten ba Judeu sira dehan: 31Ha’u fosasin karik kona ba Ha’u An rasik, Ha’u nia sasin sei la los. 32Maibe Ida seluk mak fo sasin kona ba Ha’u, no Ha’u hatene katak Nia sasin kona ba Ha’u los. 33Wainhira imi haruka ema ba Joao, nia fo sasin kona ba lialos. 34Ha’u la simu lia sasin housi ema ida, maibe Ha’u dehan buat hirak ne’e atu imi hetan maksoin. 35Joao mak ahi oan ne’ebé lakan no hodi fo naroman, no imi hakarak haksolok oras ida iha nia naroman. 36Maibe Ha’u iha sasin ne’ebé boot liu fali Joao nian, tamba hahalok sira ne’ebé Aman fo mai Ha’u atu hala’o, hahalok sira ne’e fo sasin kona ba Ha’u katak Aman mak haruka Ha’u mai.
37Aman ne’ebé haruka Ha’u mai, Nia rasik mak fo sasin kona ba Ha’u. Imi seidauk rona Nia lia, seidauk hare Nia ilas; 38Nia liafuan la hela iha imi, basa imi la fiar Ida ne’ebé haruka Ha’u mai. 39Imi le’e di-diak Eskritura sira, basa imi hanoin katak imi bele hetan moris rohan laek iha sira: sira mak fo sasin kona ba Ha’u. 40Maibe imi lakohi mai hakbesik Ha’u atu imi hetan moris.
Today's Pointers on God's Word
As you read the passage what words, phases or meanings caught your attention?
- Passagem ida ne’e sai hanesan lós lalenok ida kona-bá ita nia moris loro-loron hanesan Kristaun. Dala barak wainhira ita hili atu halo buat diak, ita halo sasukat ho ita nia vizinhu sira em vez de haré ba Jesus ne’ebé mak diak ba ita tebes.
- Ita presiza haré ita nia fuan no senti Na’i Maromak nia laran luak ba ita. Dala ruma ita moris kontrário ho Na’i nia laran luak? Se ita halo karik, ita presiza hadomi liu tan no loke-an ba domin miserikordiozo Na’i nian ba ita.
- Iha tempu quaresma ne’e, husik hela tempo barak tan hodi reflete kona-bá Na’i Maromak nia laran luak no domin mai ita no oinsa ita hetan konvite atu agradese Na’i.