DGEMs

Maluk sira mak Kristu hadomi,

Mistério Maromak nian: Evangelho ohin, Jesus koalia kona-bá nia Uniaun Divina no Domin ne’ebé inseparavel ho Aman Maromak. Mai ita reflete, “hanesan ema judeu sira, ita nia mundo sekular ida ne’e hakarak mós estraga no destrui ita nia relasaun ho ita nia Na’i Salvador. Harohan ba grasa matenek nian atu haklean ita nia domin ba Na’i loron ba loron.

Fr Philip Heng,S.J.

17Jesus lia tun ba Judeu sira dehan: “Ha’u nia Aman serbisu to’o ohin, nune’e mos Ha’u serbisu.” 18Tan ne’e, Judeu sira buka liu tan atu oho Jesus, tamba Nia la halakon deit lisan loron Sabadu nian, maibe mos tamba Nia bolu Maromak nia Aman rasik hodi halo An hanesan Maromak. 19Jesus hatan ba sira: “Tebes, tebes, Ha’u dehan ba imi katak Oan Mane la bele halo buat ida housi nia An rasik; Nia bele halo deit buat ne’ebé nia hare Aman halo; basa buat ne’ebé Aman halo, Oan mos halo 20Basa Aman hadomi Oan hodi hatudu ba Nia buat hotu ne’ebé Nia halo, no sei hatudu tan hahalok sira ne’ebé boot liu fali sira ne’e, atu imi hakfodak. 21Basa nudar Aman halo ema mate sira moris hi’as fali hodi halo sira moris, nune’e mos Oan fo moris ba ema ne’ebé Nia fihir.