DGEMs

Maluk sira mak Kristu hadomi,

Perdaun - Larak Luak: Iha Evangelho ohin nian, Jesus  dehan ba Pedro katak ita presiza fó perdaun iha momentu tomak no sai ema ne’ebé laran luak ba ema hotu hanesan Na’i hatudu ba ita nia larak luak ne’ebé rohan la’ek. Mai ita reflete “ iha ema ruma ne’ebé ita labele atu fó perdaun? Se iha karik, husu ba Na’i ba grasa sira atu bele sai liutan hanesan Jesus ne’ebé fó perdaun iha tempu tomak.”

Fr Philip Heng,S.J.

21Tuir mai, Pedro hakbesik ba Nia hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” 22Jesus hatan ba nia: “Ha’u dehan ba o: la’os to’o dala hitu, maibe to’o hitu nulu dala hitu.” 23“Tan ne’e, reinu lalehan nian hanesan liurai ida ne’ebé hakarak sisi tusan ba nia atan sira. 24Wainhira nia hahu sisi, sira lori mai ema ida ne’ebé iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 27Tan hanoin nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida ne’ebé debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba! 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fo fali buat hotu ba o.’ 30Maibe nia lakohi sadia nia hodi haruka maluk ne’e ba dadur laran to’o nia selu nia tusan hotu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele hanoin o nia maluk atan hanesan ha’u hanoin o?”