2a Semana da Quaresma: Segunda-feira, dia 14, fulan Março, 2022 March 14, 2022
Reflection on the WORD
Maluk sira mak Kristu hadomi,
Bensaun sira Na’i nian: Iha Evangelho ohin, Jesus proclama ba Nia discípulo sira katak sira presiza atu sai ema ne’ebé iha kompaixaun, la julga arbiru, no sempre fó perdaun. Maromak certamente haraik bensaun mai ita liu fali ita nia espectativa sira. Mai ita reflete “hanoin fila fali momento balun iha ita nia moris ne’ebé nakonu experiência todan/susar sira tamba ita la moris tuir lolos Na’i Jesus.
Fr Philip Heng,S.J.
Lk 6:36-38
Jesus lia tun ba nia discípulo sira: 36Buka sai ema laran luak hanesan imi nia Aman laran luak. 37Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fo perdua ba, no imi sei hetan perdua. 38Fo ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”
Today's Pointers on God's Word
As you read the passage what words, phases or meanings caught your attention?
- Laiha ema ida ne’ebé perfeitu, só Maromak de’it. Dala-barak ita haré de’it ba sala ki’ik sira ema seluk nian, maibé la haré ba salan sira ne’ebé bo’ot no sériu iha ita nia-an rasik. Labele julga ema seluk, maibé haré ba buat diak sira ne’ebé sira iha.
- Evangelho ohin nian bolu ita atu hatudo generosidade boot liu iha ita nia relasaun ho ema seluk; la’os de’it iha asuntu financeiro nian, maibé mós iha asuntu komprensaun, simu malu, kompaixaun no perdaun. Se ita generozu ba ema seluk, ita mós sei simu fila fali.
- Hanesan Kristaun, ita presiza hanoin kona-bá Na’i nia domin ne’ebé kontinua naksuli mai ita maiske wainhira ita iha mukit laran. Hanesan discípulo Jesus nian, ita presiza ho laran luak fahe domin ida ne’e, especialmente ba ema mukit no ki’ik sira.