1a Semana da Quaresma: Sexta-feira, dia 11, fulan Março, 2022 March 11, 2022
Reflection on the WORD
Maluk sira mak Kristu hadomi,
Hadomi Na’i Maromak no maluk sira: Evangelho ohin, Jesus fó hanoin Nia discípulo sira katak ita labele separa ita nia domin ba Na’i Maromak no domin ita nia maluk sira, Na’i bolu ita atu hakle’an domin ne’e loro-loron. Mai ita reflete, “ita nia domin ba Maromak iha ita nia orasaun pessoal, iha Missa, no iha ita nia serbísu ba ema seluk konsistente, sincere no profundu ka la’e?
Fr Philip Heng,S.J.
Mt 5:20-24
Jesus liatun ba nia discípulo sira dehan: 20Basa ha'u dehan ba imi katak imi nia justisa la boot liu eskriba no fariseu sira nian karik, imi sei la tama iha reinu lalehan.” 21“Imi rona katak uluk ema dehan ba ita nia bei ala sira: ‘Keta oho; no ema sei tesi lia ba ida ne’ebé oho.’ 22Ha'u fali dehan ba imi; ‘Ema ne’ebé laran nakali hasouru nia maun alin sira, ema sei tesi lia hasouru nia; ema ne’ebé dehan ba nia maun alin: ‘beik’ sei hatan iha Sinedriu; no ema ne’ebé dehan ‘bulak’ sei trus iha ahi infernu nian.’ 23Ne'e duni, wainhira o atu hasa'e o nia buat karan iha altar no hanoin fali iha neba katak o nia maun alin iha buat ruma hasouru o, 24husik lai o nia buat karan iha altar oin hodi ba uluk dame malu ho nia, hafoin mai hasa'e o nia buat karan.
Today's Pointers on God's Word
As you read the passage what words, phases or meanings caught your attention?
- Jesus fó atensaun ba ita kona-bá ita nia emosaun (hirus) ne’ebé bele hamosu efeitu ne’ebé ladiak, metin iha ita nia fuan no sei la mate. Hirus bele lori ita ba hasai liafuan no asaun ofensiva sira ne’ebé ladiak no ita sei ikus mai arrepende.
- Maromak nafatin perdua ita nia sala sira wainhira ita hakarak atu arrepende. Nune’e mós, Na’i hakarak ita atu sai ema ne’ebé larak luak ba ema seluk. Grasa Na’i nian de’it mak bele fó liberdade ba ita nia fuan no hanoin sira husi opresaun, lalaok ne’ebé hakanek ita hanesan foti-an, ódio no vingansa.
- Iha ema ruma ne’ebé mak ita rai hela hirus ruma? Reza hodi hetan rekonsilisaun ba relasaun ida ne’e. Husu ba Na’i ba grasa hodi halo ita livre husi hirus no hakonu ita nia fuan no hanoin ho Na’i nia domin kompasivu no atu perdua ema sira ne’ebé halo ita terus ka sofre.