DGEMs

Maluk sira mak Kristu hadomi,

Fiar - sinal sira: Iha evangelho ohin nian, Jesus hirus ema lubun bo’ot sira tanba falta de sinceridade iha sira nia fiar. Sira husu kona-bá “sinal sira”, maibé sira la buka Lia-los kona-bá Maromak no nia prezenti Salvasaun nian. Mai ita reflete: “ita karik hakas-an atu moris tuir ita nia fiar ho sinceridade ne’ebé bo’ot no fidelidade loro-loron ou ita buka Maromak tanba de’it ba ita nia nesesidade pesoal?

Fr Philip Heng,S.J.

29Wainhira ema lubun boot halibur tiha an, Nia dehan: “Otas ne’e otas aat duni; ema sira husu sinal ida, maibe sinal mesak ne’ebé sei fo ba sira mak sinal Jonas nian. 30Basa, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basa nia mai housi mundu nia rohan atu rona Salomao nia matenek, no iha ne’e iha Ida ne’ebé boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basa wainhira Jonas haklaken Maromak nia liafuan, sira hakribi sira nia sala, maibe iha ne’e iha Ida ne’ebé boot liu fali Jonas.”