DGEMs

Maluk sira mak Kristu hadomi,

Orasaun - Fiar : Iha evangelho ohin nian, Jesus hanorin nia discípulo sira oinsa atu harohan ba  Aman Maromak, ba ita nia nesecidade sira hotu ho reverencia profundu no obediencia total tuir Nia hakarak. Mai ita reflete: “ita reza loro-loron “Ami Aman” husi ita nia fuan no husu ba Na’i grasa sira no sabedoria atu moris ho fidelidade ou ita la harohan ho ita nia fuan tomak?

Fr Philip Heng,S.J

Jesus lia tuun ba nia discipulo sira: 7Wainhira imi reza, keta koalia barak hanesan gentiu sira; sira hanoin katak ho sira nia liafuan bar-barak, Na’i sei rona sira. 8Keta halo hanesan sira basa imi nia Aman hatene buat ne’ebé imi kuran molok imi husu ba Nia. 9Ne'e duni, harohan nune'e ba: ‘Ami Aman iha lalehan, halo Ita naran sai santo. 10Halo Ita nia reinu to'o mai ami; halo tuir Ita nia hakarak ba iha rai nudar iha lalehan. 11Haraik aihan loron loron nian mai ami. 12Haraik perdua ba ami nia tusan, nudar ami perdua sira ne’ebé iha tusan ho ami. 13Keta husik ami monu ba tentasaun, maibe hasai ami housi buat aat. 14Basa imi perdua karik ema sira nia sala, imi Aman iha lalehan mos sei perdua imi nia sala sira. 15Maibe imi la perdua karik ema seluk, imi nia Aman mos sei la perdua imi nia sala sira.”