DGEMs

Maluk sira mak Kristu hadomi,

Pedru nia Fiar: Iha Evangelho ohin nian, Pedru ne’ebé nakonu ho espíritu fiar nian,  profesa katak Jesus mak Maromak Oan ne’ebé moris!” Ida ne’e hanesan konfirmasaun ida ba Jesus atu hili Pedro hanesan ulun boot (Fatuk) Igreja nian. Reflete, “Ita hetan grasa tamba iha Papa Francisco hanesan “fatuk ou ulun” iha ita nia Igreja Católica universal. Kontinua reza ba Igreja nia nesesidade.

Fr Philip Heng, S.J.

 Pedru nia fiar

            13To’o tiha rai Sesareia Filipe nian, Jesus husu ba nia eskolante sira: “Ema sira dehan Oan Mane ne’e se los?”  14Sira hatan; “Balun dehan katak Nia mak Joao Baptista, seluk katak Elias, seluk fali katak Jeremias ka profeta ruma.” 15Jesus dehan ba sira; “Imi fali? Imi dehan Ha’u se?” 16Simao Pedru simu hodi dehan: “Ita Boot mak Kristu, Maromak moris nia Oan.” 17Jesus hatan ba nia : “Ksolok ba o, Simao, Jonas nia oan, basa la’os isin ka ran mak hatudu buat ne’e ba o, maibe Ha’u nia Aman nebe iha lalehan. 18Ha’u dehan fali ba o, ‘O Pedru, no iha fatuk ne’e nia leten Ha’u sei harii Ha’u nia kreda; infernu nia odamatan sira sei la bele halo buat ida hasouru nia. 19Ha’u sei fo siabe reinu lalehan nian ba o; buat hotu nebe o futu iha rai, sei futu mos iha lalehan; no buat hotu nebe o kore iha rai, sei kore mos iha lalehan.’” 20Hafoin Nia haruka nia eskolante sira atu la bele dehan ba ema ida katak Nia mak Kristu.