DGEMs

Maluk sira mak Kristu hadomi

Maromak domin nain: Iha Evangelho ohin nian, Jesus proklama ba ema sira barak katak ita nia virtude sira no aat sira ne’e mai husi ita nia fuan. Reflete, Wainhira imi reflete kona-ba kualidade ita nia moris loron-loron nian, Jesus nia liafuan sabedoría hamanas ita nia fuan? Sé ita hadomi Maromak ho fuan tomak, entaun ita nia fuan sei nakonu ho Maromak nia paz no ksolok.

Fr Philip Heng, S.J.

“Buat nebe hafoer ema”

            14Jesus halibur fali ema lubun boot hodi dehan ba sira, “Imi hotu, rona Ha’u hodi komprende ba! 15La iha buat ida iha liur nebe tama hodi halo foer ema nia laran, maibe buat nebe sai housi ema nia laran rasik mak halo foer ema. 16Ema nebe iha tilun atu rona, rona ba!”

            17Wainhira Nia no tama ona iha uma laran dook housi ema lubun ne'e, nia eskolante sira husu Nia kona ba aiknanoik ne'e. 18Nia hatan ba sira, “Imi mos la komprende?  Imi la hare katak buat naran deit nebe tama iha ema nia laran housi liur la bele halo nia foer 19basa la tama iha nia fuan maibe iha nia kabun deit hodi sai ba liur.” Nune'e ia fo sai katak aihan hotu la foer. 20Nia simu tan, “Buat nebe mai housi ema nia laran mak halo  nia sai foer,  21basa housi ema nia laran, housi ema nia fuan,  mak hakarak aat nebe lori nia atu halo aat, atu na’ok, atu oho, halo sala foer, 22atu sai karakten no halo buat aat sira hanesan lohi ema, hahalok foer, laran moras, lia bosok, loko an no hahalok beik mosu mai. 23Buat sira ne'e hotu mai housi laran no halo foer ema.”