DGEMs

Maluk sira mak Kristu hadomi,

Kompaixaun no Fé: Iha Evangelho ohin nian, Jairus, ofisial sinagoga nian, ho fé ne’ebé boot husu Jesus atu kura nia oan feto ne’ebé iha agonía nia laran. Jesus nakonu ho kompaixaun profunda halo nia moris fali depois tiha mate. Reflete, “Reza ba grasa atu haklean ita nia konfiansa ba Jesus nia kompaixaun infinita atu kuidadu, kura no proteze ita husi aat no salan.

Fr Philip Heng, S.J. 

21Wainhira Jesus hakur fali iha ro laran ba tasi nia sorin balun, ema lubun boot hakbesik hale’u Nia. Nia hamriik iha tasi ibun. 22Na’i ulun sinagoga nian ida, naran Jairo,  to'o mai. Hare tiha Jesus, nia monu ain 23hodi husu nune'e, “Ha’u oan feto besik atu mate. Hiit an mai ba,  tau liman ba nia atu soi nia, nune'e nia bele moris.” 24Jesus la'o hamutuk  ho nia. Ema lubun boot tuir Nia. Ema ida-ida buka atu hakbesik Nia. 35Jesus sei koalia hela wainhira ema sira  housi na’i ulun sinagoga nian nia uma mosu mai hodi dehan: “Na’i, ita boot nia oan feto mate ona. Tansa ita boot  hakole tan Mestre?” 36Maibe, rona tiha liafuan hirak ne'e, Jesus dehan ba sinagoga nia na’i ulun, “O keta tauk. Fiar deit  ba.” 37Nia la husik ema ida tuir Nia. Nia lori deit Pedru, Tiago no Joao, Tiago nia alin. 38 Sira to'o tiha na’i ulun sinagoga  nian nia uma,  Jesus hetan ema barak book an maka’as; hodi tanis,  no hakilar. 40Sira hasara Nia. Nia haruka sira sai hotu. Nia lori labarik nia aman no inan, ho tan sira nebe mai hamutuk ho Nia ba fatin nebe labarik hela. 41Nia kaer labarik nia liman hodi dehan ba nia, “Talitha, kum!” katak “Noy, hamriik ba.” 42Labarik feto ne'e hamriik kedas hodi hahu la'o mai la'o ba, basa nia iha ona tinan sanulu resin rua. Ema hotu hakfodak no bilan teb-tebes.