Ord, Semana 2, Domingo, dia 16, fulan Janeiro, 2022 January 16, 2022

Reflection on the WORD

Maluk sira mak Kristu hadomi,

"Ita ema nia Poder" – Fiar: iha Evangelho ohin, Jesus transforma bee sai tua iha festa kazamento ida iha Caná. Reflete: Maski dalabarak ita konfia iha ita nia kapasidade humana nian, ita labele muda bee sai tua. Iha mundo modernu, ita sai orgulho no arogante tamba ita nia susesu sira iha area teknologia, no conquista ida ne’e halo ita hanoin katak ita la presiza Maromak. Ita la presiza ona Maromak iha ita nia moris ohin loron? So Maromak de'it mak boot liu (poderoso) no ita presiza adora de'it Maromak.

Pe. Philip Heng, S.J.

John 2:1-5,7-9a,10-11

Festa kaben nian iha Kana

                    1Liu tiha loron tolu, ema halo festa kaben nian iha Kana Galileia. Jesus nia inan iha neba. 2Jesus ho nia eskolante sira simu mos konvite ba festa. 3Wainhira tua la iha ona, Jesus nia inan dehan ba Nia: “Sira nia tua hotu ona.” 4Jesus simu  dehan: “Na’in feto, ne’e katak sa ba Ha’u no ba ita? Ha’u nia oras seidauk to’o.” 5Maibe nia inan dehan ba sira nebe hein meja: “Halo tuir ba buat nebe Nia haruka.”

7Jesus lia tun ba sira: “Imi tau be ba kusi sira ne’e to’o nakonu.” Sira tau be nakonu di-diak to’o ibun. 8Hafoin Nia dehan ba sira: “Imi bele hasai ona, lori ba uma na’in tenda.” Sira lori duni. 9Uma na’in tenda koko tiha be nakfila ba tua, tan nia la hatene tua ne’e mai housi nebe, maibe ema sira nebe hein meja no kuru be hatene; uma nain tenda bolu noivu 10hodi dehan: “Ema hotu fo uluk tua diak; konvidadu sira hemu di-diak ona, hafoin mak fo tua la dun diak. O fali rai subar tiha tua diak to’o oras ne’e.” 11Ne’e mak milagre uluk nebe Jesus halo iha Kana Galileia. Nia hatudu nia gloria, nia eskolante sira fiar Nia.

Today's Pointers on God's Word

As you read the passage what words, phases or meanings caught your attention?

  • ·       Milagre iha Kaná, milagre multiplikasaun husi paun no seluk tan hatudu mai ita katak Maromak nia domin no misericórdia sempre abundansia, naksulin no ho kualidade superior ba sira ne’ebé presiza.

  • ·       Maromak fó mai ita buat ne’ebé kapas no furak liu. Expressaun último husi Maromak nia domin mai ita no ba ema hotu mak husik Nia Oan Mane hodi terus no mate tanba ita nune’e ita hotu bele hetan salvasaun.

  • ·       Labele dúvida hodi hakbesik-an no lori o nia todan hotu iha moris ba Maromak; liu-liu iha momentu sira ne’ebé ita lakon esperansa. Certamente, Maromak sei fó ba ita buat ne’ebé ‘di’ak liu’ iha abundansia. Tau ita nia konfiansa iha Maromak.