DGEMs

Maluk sira mak Kristu hadomi,

Jesus nia Reputação: iha Evangelho ohin, Jesus ninia reputação ka naran morin kontinua sai boot; Jesus nia naran morin ida ne’e aumenta liu tan depois de Nia kura ema leproso ida.  Reflete: "iha ita nia sociedade ohin, maski ita barak iha konhesimento no experiensia kona-ba Jesus nia Evangelho, ema barak kontinua tenta atu kria konfuzaun, divizaun no destrusaun iha komunidade igreja nian no entre ita nudar fiar nain. Ita reza ba sira ne'ebé tenta atu hafahe ita no igreja atu sira bele konverte ba dalan lós, dalan Maromak nian”.

Pe. Philip Heng, S.J.

12Wainhira Jesus hela iha sidade ida, ema moras lepra ida ba hasouru Nia. Tuku tur tiha ba rai, nia husu ho laran: “Na’i, Ita hakarak karik, Ita bele hamos ha’u.” 13Jesus lolo nia liman hodi kona nia dehan: “Ha’u hakarak, sai mos ba!” Moras lepra lakon kedas. 14Jesus bandu nia atu la bele fo hatene buat ne’e ba ema ida dehan: “La’o ba, hatudu o nia an ba amlulik, hodi hasa’e buat nebe Moises haruka nudar sasin ba sira, tan o hetan ona isin diak.” 15Maibé Jesus nia naran diak naklekar liu tan. Ema barak mai atu rona Nia, no mos atu hetan isin diak. 16Maibé Nia hadook an ba fatin fuik ida, hodi hela mesa-mesak atu harohan.