SOLENIDADE - SANTA MARIA, MAROMAK NIA INAN : Sábado, dia 01, fulan Janeiro, 2022 January 1, 2022

Reflection on the WORD

Maluk sira mak Kristu hadomi,

Maria, Maromak nia Inan: iha Evangelho ohin, ita haré pastores ka bibi-atan sira ne'ebé rona mensagem kona-ba Messias ne'ebé foin moris. Pastores sira hetan duni Maria ho “Kosok oan-Salvador” iha balada han fatin. Reflete: Maria ne'ebé kous Jesus too nia moris depois kontinua (hadomi) eduka no forma Jesus, Nia (Maria) mós hadomi ita no hatudu dalan ba ita hodi hakbesik an ba Jesus, nia oan mane.

Pe. Philip Heng, S.J.

Luke 2: 16-21

16Sira ba lalais, hodi hetan duni Maria, Jose no Kosok-Oan toba hela iha balada han fatin. 17Hare tiha Nia, sira haktuir buat nebe anju sira hateten kona-ba kiik oan ne’e. 18Ema hotu nebe rona bibi atan sira hakfodak ho sira nia liafuan. 19Maria fali rai hela liafuan hirak ne’e hotu, hodi hanoin tuir di-diak iha nia laran. 20Bibi atan sira fila ba uma hodi hahi hawelok Maromak tan buat hotu nebe sira hare no rona, nudar anju sira fo hatene nanis.

21Liu loron ualu, wainhira labarik atu simu sirkunsisaun, sira hanaran Nia Jesus, nudar anju fo hatene molok nia inan ko’us.

Today's Pointers on God's Word

As you read the passage what words, phases or meanings caught your attention?

  • ·       Bibi-atan sira ne’ebé haré Kosok-Oan iha bibi luhan (balada han fatin) no esperiensia  ne’e konfirma mensagem ne'ebé anju hato’o ona ba sira, depois sira fó glória ba Maromak no partilha/fahe saida mak sira haré no esperiensia ba ema hotu ne'ebé sedauk rona kona-ba Kosok-Oan nia moris.

  • ·       Maria simu lia menon husi anju Gabriel no halo tuir anju nia lia hodi kous Jesus, haksolok no tau iha nia hanoin Lia Los Maromak nian.

  • ·       Husi perspetiva kona-ba ita nia fiar iha Maromak, fó no fahe ita nia tempu oituan hodi hanoin no reflete ita nia esperiensia sira iha tinan 2021. Durante tinan 2021, oinsa Maromak protége ita husi att? Oinsa Maromak hatudu nia Mizerikordia wainhira ita dok husi Maromak? Oinsa Maromak bolu no guia ita hodi fila fali ba ninia abraço Aman ne'ebé hatene de'it hadomi no perdua nia oan sira?