7o dia da Oitava do Natal: Sexta feira, 𝐝𝐢𝐚 31, 𝐟𝐮𝐥𝐚𝐧 Dezembro, 𝟐𝟎𝟐𝟏 December 31, 2021
Reflection on the WORD
Maluk sira mak Kristu hadomi,
Fiar - Fim de Ano 2021: Evangelho ohin haklaken mai ita katak Jesus hanesan Maromak nia"Lia Fuan"ne’ebé existe desde inisiu da kriasaun; Nia tama iha kriasaun hanesan Maromak Lolos no Aman Maromak nia Oan; buat hotu ne’ebé Maromak halo ba salvasaun ita ema nian. Reflete: oinsa ita nia moris iha tinan 2021; sente no hasouru distrasaun ruma, gasta enerjia barak ba buat balun ne’ebé la vale, ita la fó ita nia domin tomak ba Maromak tamba apego ba sasan mundu nian, duke hanoin de’it atu hadomi Na’i Maromak?
Pe. Philip Heng, S.J.
John 1:1,9-14,18
Houri uluk kedas Liafuan iha nanis; Liafuan horik nanis ho Maromak; Liafuan mak Maromak.
Naroman los mai iha raiklaran, naroman ne’ebé leno ema hot‑hotu. Nia horik iha raiklaran; raiklaran mosu liu housi Nia, maibe raiklaran la hatene Nia. Nia mai ba nia emar sira, maibe sira ne’e la simu Nia.Maibe, ba ema sira ne’ebé simu Nia hodi fiar nia naran, Nia haraik kbiit atu sai Maromak nia oan. Ema sira ne’e la mai housi ema nia ran, eh tuir ema nia isin nia hakarak; la’os housi ema nia hakarak, maibe sira moris housi Maromak.
Liafuan ne’e halo An ba ema, no horik iha ita leet. Ami hare nia gloria, gloria nudar Aman nia Oan Mane mesak, nakonu ho grasa no lialos.
Ema ida seidauk hare Maromak; maibe Oan Mane mesak ne’ebé horik ho Aman, Nia mak haklaken Maromak.
Today's Pointers on God's Word
As you read the passage what words, phases or meanings caught your attention?
-
l Evangelho ohin haklaken mai ita katak Maromak nia Liafuan, nia Lialos mak Naroman Los ne’ebé kria mundu tomak inklui povo hothotu no lori ema hotu ba salvasaun rohan la’ek.
-
l Lialos Maromak nian sei revela plenamente iha pessoa Jesus Kristu, ita nia Nai no Salvador. Lialos Maromak nian inkorpora ona iha sagrada eskritura ne’ebé ita foin rona. Ita hotu ne’ebé fiar iha sagrada eskritura sira mak sai Na’i Maromak nia oan.
-
l Reflete oinsa ita bele moris tuir Maromak nia Lialos iha ita nia moris lorloron. Oinsa ita nia atitude wainhira ita rona Maromak nia Liafuan ne’ebé haklaken iha Evangelho? Oinsa Evangelho afeta ita nia moris lorloron nudar fiar nain ida?