DGEMs

Maluk sira mak Kristu hadomi,

"Maromak nia Providênsia" – fiar: iha Evangelho ohin, Jesus, ho idade 12 anos, lakon loron tolu. Maria ho José buka, reflete no entrega buat hotu (experiênsia buka sira oan Jesus) ba Maromak nia providensia. Reflete: iha tempu ne’ebé ita enfrenta dezafius todan sira, ita bele uza tempu ne’e hodi renova ita nia fiar ba Maromak tamba Nia sempre protege no haraik mai ita grasa ne’ebé ita precisa hodi hetan salvasaun ka la’e?

Pe. Philip Heng, S.J.

Wainhira Jesus halo tinan sanulu resin rua, sira sa’e ba Jerusalem, tuir lisan festa nian. Festa hotu tiha, sira fila hikas ba uma, maibe labarik Jesus hela iha Jerusalem; nia aman sira la hatene. Sira hanoin katak Nia la’o ho maluk sira. La’o tiha loron ida, mak sira buka Nia iha parenti no maluk sira le’et. Tan la hetan Nia, sira fila fali ba Jerusalem hodi buka Nia. Liu tiha loron tolu, sira hetan fali Nia iha templu, tur hela iha ema matenek sira le’et, hodi rona no husu sira. Ema hotu ne’ebé rona Nia hakfodak ho nia matenek no nia liafuan. Hare tiha Nia, nia aman sira hakfodak teb-tebes. Nia inan hateten ba Nia: “Ha’u oan, tansa O halo nune’e mai ami? O nia aman ho ha’u neon susar teb-tebes hodi buka O.”

Nia dehan ba sira: “Tansa imi buka Ha’u? Imi la hatene katak Ha’u sei hela iha Ha’u Aman nia uma?” Maibe sira la komprende lia hirak ne’e ba sira katak sa.

Jesus tun fali hamutuk ho sira ba Nazare, hodi halo tuir sira nia hakarak.