DGEMs

Maluk sira mak Kristu hadomi,

"Magnificat – Fiar": iha Evangelho ohin, Maria ninia "knananuk" hanesan orasaun ida ne’ebé nakonu ho Espíritu hodi fó glória ba Maromak no hahi Nia grandeza, haklaken Nia planu salvasaun no revela nia domin no mizericórdia ne’ebé iha preferensial ba sira ne’ebé kiak no marginalizado. Reflete: ha’u nia fuan mós kontente ka alegre iha Maromak ne’ebé salva ita, hanesan Maria nia fuan?"

Pe. Philip Heng, S.J.

Maria hatan:

“Ha’u klamar hahi Na’i,

ha’u neon haksolok

    iha Maromak ha’u Maksoin.

Basa Nia hare nia atan feto ne’ebé folin laek.

    Tebes duni, houri ohin ba oin

    Ema hotu sei dehan ha’u rahun diak.

Basa Ida ne’ebé bele buat hotu

    halo buat kmanek wa’in tebes mai ha’u.

    Nia naran santu.

Nia laran luak houri otas

    ba sira ne’ebé hamtauk Nia.

Nia hatudu nia liman nia kbiit,

    hodi halakon ema loko an sira.

Nia hamonu ukunna’in sira

    housi sira nia tur fatin,

    hodi foti fali ema kiik sira.

Nia haraik buat diak hotu ba ema mukit sira,

    hodi haruka ema riku sira

    ba ho liman mamuk.

Nia tau matan ba nia atan Israel

    hodi hanoin fali nia laran luak,

tuir lia menon ne’ebé Nia hakotu ona

    ba ita nia bei ala sira,

    ba Abraao no nia bei oan sira ba nafatin.”

Maria hela ho Isabel besik fulan tolu, hafoin fila fali ba nia uma.