3𝐚 𝐒𝐞𝐦𝐚𝐧𝐚 𝐀𝐝𝐯𝐞𝐧𝐭𝐨 nian: Sábado, 𝐝𝐢𝐚 18, 𝐟𝐮𝐥𝐚𝐧 Dezembro, 𝟐𝟎𝟐𝟏 December 18, 2021
Reflection on the WORD
Maluk sira mak Kristu hadomi,
José no Maria: iha Evangelho ohin nian, ita haré oinsa Maromak hili ka bolu José no Maria atu kumpri Nia planu salvasaun hodi sai hanesan aman-inan ba "Messias". Reflete: oinsa Maromak transforma ita hodi sai hanesan Maria no José? Reza husu grasa sabedoria nian atu ita bele krese iha ita nia domin no relasaun ho Jesus iha ita nia moris lorloron.
Pe. Philip Heng, S.J.
Matthew 1:18-21,24
Jesus Kristu moris nune'e: ema hakotu ona Maria, Jesus nia inan ba Jose. Molok sira moris hamutuk, Maria ko’us tiha ona hodi Espiritu Santu nia kbiit.
Nia laen Jose, ne’ebé ema laran los no lakohi hamoe Maria, hakotu atu husik deit nia.
Nia hanoin dau-daun buat ne'e, wainhira Na’i nia anju mosu ba nia iha mehi dehan: “Jose, David nia oan, keta tauk simu Maria nudar o nia kaben, basa nia ko’us hodi Espiritu Santu nia kbiit. Maria sei tur ahi oan mane ida ne’ebé o sei hanaran Jesus, basa Nia mak sei soi povu housi sira sala.”
Hader tiha housi mehi, Jose halo tuir buat ne’ebé Na'i nia anju haruka hodi simu nia kaben. Maski Jose la dauk hamutuk ho nia, Maria tur ahi oan mane ida, ne’ebé nia hanaran Jesus.
Today's Pointers on God's Word
As you read the passage what words, phases or meanings caught your attention?
-
l Evangelho ohin konta istoria ida ne’ebé toka ita nia fuan tamba ita hatene katak Maromak nia planu, laos planu ida ne’ebé simples ba ita nu’udar ema.
-
l Tamba ida ne’e, Maromak hakarak ita konfia Nia wainhira ita hasouru obstákulos no dificuldades iha ita nia moris nu’udar discípulos Jesus nian. Ita precisa konfia iha Maromak hanesan José hatudu ona mai ita.
-
l Falta semana ida tan, ita komemora loron Enkarnasaun ita nia Messias iha Kosok Oan ne’ebé sei mai. Mai ita selebra tamba Maromak kria ona lasu de amizade entre ita ema ho Maromak liu husi misterio enkarnasaun nian - Maromak se mai hela iha ita nia let...iha buat hothotu maski ita sala nain, atu salva ita. Ita bele passa minutu ida ka rua hodi reflete kona ba pontu ida ne’e.