DGEMs

Maluk sira mak Kristu hadomi,

Messias – "Sinais": iha Evangelho ohin, Jesus haklaken katak "Messias" mak hanesan Boa Notícia Salvação Maromak nian ne'ebé hakuak ka abrasa sira ne'ebé mak sofre moras, hafanun fali sira ne'ebé mate no hatudu domin preferensial ida ba ema kiak no nesessitados sira. Reflesaun: "ita mós iha experiensia pessoal ho Jesus wainhira ita moris firmi no fiel tuir Evangelho ka la’e?"

Pe. Philip Heng, S.J.

Bolu tiha nia eskolante nain rua, Joao haruka sira ba Na’i atu husu: “Ita mak ida ne’ebé atu mai, ka ami sei hein ema seluk?”

To’o tiha ba Nia, sira ne’e dehan: “Joao Baptista haruka ami ba Ita atu husu: ‘Ita mak ida ne’ebé atu mai, ka ami sei hein ema seluk?’”

Iha oras neba Jesus fo dau-daun isin diak ba ema barak nia moras no terus, hodi duni sai espiritu aat sira no halo matan delek barak hare. Nia hatan ba sira: “Imi ba fali hodi hateten ba Joao buat ne’ebé imi hare no rona: ema matan delek sira hare, ema ain aat sira la’o, ema moras lepra sira hetan isin mos, ema tilun diuk sira rona, ema mate sira moris hi’as fali, no Ha’u haklaken tiha liafoun diak ba kiak sira.

Rahun diak ba sira ne’ebé la lakon fiar iha Ha’u.”